Ուկրաինայի արտաքին գործերի նախարար Դմիտրո Կուլեբան հայտարարել է, որ հուլիսին ԱՄՆ և Ուկրաինայի նախագահներ Ջո Բայդենի և Վլադիմիր Զելենսկու բանակցությունների առանցքային թեման կլինի Դոնբասում կարգավորման գործընթացին Միացյալ Նահանգների մասնակցության ձևաչափը:
Նա պարզաբանել է, որ Դոնբասի շուրջ բանակցություններում խնդիր է դրված «գտնել նրանց [ԱՄՆ] մասնակցության այնպիսի ձևաչափ, որը կտա առավելագույն արդյունք»: «Ամերիկացիներն արդեն այս գործընթացում են: Բայց դա բավարար չէ Ռուսաստանի վարքագիծը փոխելու համար», ասել է նախարարը:
Ավելի վաղ Զելենսկին հայտարարել էր, որ հուլիսին ԱՄՆ այցի ընթացքում ինքը մտադիր է Ջո Բայդենի հետ քննարկել «մի քանի կարևոր բլոկ», մասնավորապես ՝ անվտանգության խնդիրներ, «Հյուսիսային հոսք»-ը, Դոնբասը, Ղրիմը, ինչպես նաև տնտեսական խնդիրներ, ներառյալ Արժույթի միջազգային հիմնադրամի հետ համագործակցությունը
