Հավաքական անվտանգության պայմանագրի կազմակերպությունը (ՀԱՊԿ), Աֆղանստանի հետ սահմանից Տաջիկստանի վրա հարձակման դեպքում, շտապ կքննարկի այդ միջադեպը: ՏԱՍՍ-ի հաղորդմամբ, այդ մասին հայտարարել է Ռուսաստանի արտաքին գործերի նախարար Սերգեյ Լավրովը ՝ հինգշաբթի օրը ելույթ ունենալով Հեռավոր Արևելքի դաշնային համալսարանում ՝ «Ռուսաստանի միջազգային գործունեությունը ռուսական շրջանների զարգացման համար» թեմայով դասախոսությամբ:
«Եթե Տաջիկստանի վրա հարձակում լինի, իհարկե, դա անմիջապես կլինի ՀԱՊԿ-ի քննարկման թեմա», ասել է նա: Լավրովը հիշեցրել է, որ Մոսկվան ու Դուշանբեն դաշնակիցներ են Հավաքական անվտանգության պայմանագրի շրջանակներում, իսկ Ռուսաստանի Դաշնությունը ռազմակայան ունի Տաջիկստանում: «Այնպես որ, իհարկե, մենք կկատարենք մեր պարտավորությունները», շեշտել է նա:
