Թուրքիայում գտնվող ռուսական С-400 զենիթահրթիռային համակարգերը «ոչ մեկի համար վտանգ չեն ներկայացնում», հինգշաբթի օրը հայտարարել է Թուրքիայի ազգային պաշտպանության նախարար Հուլուսի Աքարը:
«Բոլորը պետք է իմանան, որ մեր միակ մտահոգությունը մեր երկրի օդային անվտանգության ապահովումն էր: Քանի որ С-400-ը հակաօդային պաշտպանության համակարգ է, այն կարող է օգտագործվել միայն հրթիռը կամ օդային հարձակումը տապալելու համար: Այս համակարգերը հարձակողական բնույթ չունեն», NTV հեռուստաալիքը հաղորդել է նրա խոսքերը։ «Այս համակարգերը ոչ մեկի համար ռիսկ, սպառնալիք կամ վտանգ չեն ներկայացնում», ասել է Աքարը:
