«Ադրբեջանի ժողովրդական ճակատ» կուսակցության նախագահ, պատգամավոր Գուդրաթ Հասանգուլիևը հանդես է եկել նախագահ Իլհամ Ալիևի անունով Շուշիի նոր մզկիթն անվանակոչելու նախաձեռնությամբ:
«Իլհամ Ալիևը իրավունք է ստացել, որ Շուշա քաղաքում իր հիմնադրած նոր մզկիթը կրի իր անունը»,- ասել է նա լրագրողներին տված հարցազրույցում:
Կուսակցության նախագահը հույս է հայտնել, որ Կովկասի մուսուլմանների խորհուրդը, քաղաքական և հասարակական կազմակերպությունները կաջակցեն այս գաղափարին:
Հիշեցնենք, որ Ալիևը երեկ բռնազավթած Շուշի քաղաքում մասնակցել է նոր մզկիթի հիմնադրման արարողությանը։
