Իրանը վերջին երեք ամսվա ընթացքում մոտավորապես չորս անգամ ավելացրել է իր 60% հարստացված ուրանի պաշարները` 2,4 կգ-ից հասցնելով 10 կգ-ի: Այս մասին ասված է Իրանի վերաբերյալ Ատոմային էներգիայի միջազգային գործակալության (ՄԱԳԱՏԷ) եռամսյակային զեկույցում:
Հաղորդվում է նաև, որ Իրանը 20 տոկոս հարստացված ուրանի պաշարները 63-ից հասցրել է 84 կիլոգրամի:
ՄԱԳԱՏԷ-ն նաև հայտնել է, որ Իրանը դեռ գործակալությանը չի տրամադրել մշտադիտարկման հասանելիություն: «Իրանի կողմից մշտադիտարկման սարքավորումների հասանելիության գործակալության պահանջները չկատարելը լրջորեն խաթարում է գործակալության տեխնիկական հնարավորությունները», – զեկույցի խոսքերը մեջբերում է Bloomberg-ը:
ՄԱԳԱՏԷ-ի տեսուչները նշել են, որ ենթադրյալ միջուկային օբյեկտների վերաբերյալ Իրանի տրամադրած տեղեկատվությունը տեխնիկապես անհամատեղելի է դիտարկումների արդյունքների հետ:
