Իսրայելի վերահսկիչ Մաթանյահու Էնգելմանն այսօր հայտարարել է, որ հատուկ հետաքննություն է սկսում Մերոն լեռան վրա աղետին հանգեցրած հանգամանքների վերաբերյալ, որի ժամանակ զոհվել էր 45 մարդ։
«Մենք խոսում ենք ողբերգության մասին, որը հնարավոր էր կանխել: Մենք սկսում ենք ուսումնասիրել բոլոր այն հանգամանքները, որոնք հանգեցրին այս ողբերգությանը, որպեսզի հասկանանք, թե ինչպես կարելի էր կանխել», Էնգելմանի խոսքերը մեջբերում է ՏԱՍՍ-ը:
«Ստուգում կիրականացվի բոլոր կողմերի գործողությունների, այդ թվում՝ արտակարգ իրավիճակում իրավապահների աշխատանքի հետ կապված», ավելացրել է պետական վերահսկիչը:
