«Թալիբան» շարժման զինյալներն իրենց շարքերից հեռացրել են մոտ 200 մարդու, ովքեր չարաշահել են իրենց պաշտոնական լիազորությունները, ՌԻԱ գործակալությանը հայտնել է թալիբների ստեղծած հատուկ հանձնաժողովի աղբյուրը։ Այդ գործընթացը շարունակվում է։
Խոսքն այն մարդկանց մասին է, ովքեր պաշտոն են ստացել հարազատների օգնությամբ, նաև՝ հանցագործների, կասկածելի անցյալով մարդկանց կամ տեղի բնակչության ատելությունն առաջացնող պաշտոնյաների մասին։ Հանձնաժողովի աղբյուրը հայտնել է, որ վտարված 200 մարդիկ չարաշահել են իրենց դիրքը Աֆղանստանում և օգտագործել Թալիբանի անունը իրենց նպատակների համար: Ներկայումս թալիբները հետաքննում են կասկածյալներին։
Աղբյուրը հավելում է, որ հանձնաժողովի ստեղծման օրվանից քաղաքներում կարգուկանոնն ու կարգապահությունը բարելավվել են։
