Ազատ դեմոկրատական կուսակցության խորհրդարանական խմբակցության փոխնախագահ Ալեքսանդր Լամբսդորֆը, ԵՄ առաջնորդների առաջիկա գագաթաժողովի նախօրեին, կոչ է արել դադարեցնել ԵՄ-ին Թուրքիայի անդամակցության բանակցությունները: Այս մասին նա հայտարարել է հինգշաբթի օրը DPA գործակալությանը:
«Պետությունների և կառավարությունների ղեկավարները պետք է գագաթաժողովն օգտագործեն Թուրքիայի հետ [ԵՄ-ին] անդամակցության անարդյունք բանակցությունները դադարեցնելու համար և փոխարենը նոր հարաբերությունների հիմք ստեղծեն [նրա հետ]», ասել է Լամբսդորֆը:
Միևնույն ժամանակ, Լամբսդորֆը կարծում է, որ անհրաժեշտ է Ռուսաստանի և Թուրքիայի հետ կապված հստակ ռազմավարություն մշակել: «Համագործակցություն` հնարավորության դեպքում, բայց հակասություն այն դեպքում, երբ Անկարան կամ Մոսկվան խախտում են մարդու և քաղաքացիական իրավունքները կամ եվրոպական աշխարհակարգը», պնդում է Լամբսդորֆը:
