ԱՄՆ նախագահ Ջո Բայդենը Մեծ յոթնյակի երկրների առաջնորդների առցանց հանդիպման ժամանակ ասել է, որ առաջվա պես մտադիր է զորքերը դուրս բերել Աֆղանստանից մինչև օգոստոսի 31-ը, սակայն չի բացառել ժամկետի երկարաձգումը: Այս մասին հայտնել է The New York Times-ը՝ վկայակոչելով անանուն պաշտոնական աղբյուր:
ԱՄՆ վարչակազմի բարձրաստիճան ներկայացուցչի համաձայն, Բայդենն անդրադարձել է ահաբեկչական հարձակման բարձր ռիսկին: Դրա հետ կապված՝ Վաշինգտոնը դեռևս մտադիր չէ փոխել զորքերի դուրսբերման և Աֆղանստանից ամբողջական տարհանման ամսաթիվը: Աղբյուրը միաժամանակ բացատրել է, որ ամերիկացի առաջնորդը նշել է ԱՄՆ առաքելությունը երկարաձգելու հնարավորությունը:
Իր հերթին, Կանադայի վարչապետ Ջասթին Թրյուդոն G7-ի իր գործընկերներին հայտնել է օգոստոսի 31-ից հետո Աֆղանստանում զորքերը թողնելու պատրաստակամության մասին:
