Կիրակի օրը Բաղդադի միջազգային օդանավակայանը հրթիռակոծման է ենթարկվել, հայտնում է Al Arabiya հեռուստաալիքը՝ վկայակոչելով Իրաքի անվտանգության ծառայության աղբյուրները:
Հարվածը հասցվել է այն հատվածին, որտեղ տեղակայված էին ամերիկացի զինծառայողները: Al Arabiya-ի համաձայն՝ Բաղդադի հակաօդային պաշտպանության ուժերը առնվազն հինգ հրթիռ են որսացել:
Տուժածների կամ ավերածությունների մասին տեղեկություններ դեռ չեն հաղորդվում:
