Դոնալդ Թրամփը պաշտոնապես ստանձնեց ԱՄՆ 47-րդ նախագահի պաշտոնը:
Նա նախագահի պաշտոնում հանդես եկավ իր առաջին ելույթով, որտեղ հայտարարեց, որ սկսվել է Ամերիկայի ոսկե դարաշրջանը։
«Այսօրվանից մեր երկիրը լինելու է ամենահարգվածն ամբողջ աշխարհում։ Մեզ կնախանձեն բոլորը, և մենք թույլ չենք տա որևէ մեկին օգտագործել մեզ, ինչպես նախկինում էր։ Մեր ինքնիշխանությունը կվերադառնա մեզ, մեր անվտանգությունը կվերականգնվի։ Այս պահից դադարում է Ամերիկայի անկումը»,-նշեց նա:
ԱՄՆ 47-րդ նախագահը նաև երդվեց պաշտպանել, պահպանել և աջակցել ԱՄՆ Սահմանադրությանը:
Նշենք, որ Թրամփը հավատարմության երդում տվեց Սահմանադրությանը և երկրին, ինչպես 2017-ին իր առաջին երդմնակալության ժամանակ:
