Ռուս խաղաղապահներն ապահովել են Արցախի Մարտակերդի շրջանի Ճանկաթաղ գյուղից դեպի բջջային կապի աշտարակ նոր գրունտային ճանապարհի կառուցման աշխատանքի անվտանգությունը. հայտնում է ՌԴ ՊՆ-ն:
Բջջային կապի աշտարակը գտնվում է սահմանազատման գծի մոտ և պահանջում է կանոնավոր սպասարկում: Վարչակազմը որոշել է կառուցել գրունտային ճանապարհ՝ այս օբյեկտը սպասարկելու համար: Այդ նպատակով նրանք կապ են հաստատել Ռուսաստանի խաղաղապահ զորախմբի հետ՝ խնդրելով ապահովել անվտանգությունը:
Այս պահին աշխատողները սկսել են հեռացնել հին հողի վերին շերտը և խտացնել ապագա ճանապարհի հիմքը`ռուս խաղաղապահների աջակցությամբ մանրախճային բարձի հետագա տեղադրման համար:
«Մենք ճանապարհ ենք տանելու դեպի բջջային աշտարակ: Դիմել ենք խաղաղապահներին`ապահովելու իրականացվող աշխատանքների անվտանգությունը, քանի որ դրանք անցնում են Ադրբեջանի սահմանից 200 մետր հեռավորության վրա: Աշտարակը գտնվում է Ճանկաթաղ գյուղի մոտակայքում, կապով է ապահովում տեղի բնակիչներին՝ մոտ 2 հազար մարդու: Խաղաղապահներն արձագանքեցին, եկան և ապահովեցին մեր անվտանգությունը», – ասել է շինարարական ընկերության ներկայացուցիչ Անդրանիկ Մուսայելյանը:
