Մենք քննարկում ենք ԱԺ կարևորագույն հանձնաժողովներից մեկը, որի ներսում իմ խորին համոզմամբ շատ հաճախ կուսակցական գծերը մաքրվում են, հանձնաժողով, որի ներսում մենք հանդես ենք գալիս որպես մեկ խրամատ և դա բնական է: Ազգային ժողովում ելույթի ժամանակ ասաց «Պատիվ ունեմ» խմբակցության պատգամավոր Հայկ Մամիջանյանը՝ անդրադառնալով Արտաքին հարաբերությունների հանձնաժողովին:
«Ինձ համար շատ անընկալելի էր, համացանցում տեսանյութը կա, որևէ նոր բան չեմ ասի, բայց թշնամի երկրների ներկայացուցիչների հետ իրենց տոնը՝ Նովրուզը տոնած պարերով և ուրախությամբ Մարիա Կարապետյանը մեր հայերնասիրությունը և հանուն հայրենիքի աշխատելու ունակությունները երեկ կասկածի տակ էր դնում: Տիկին Կարապետյան, շատ լավ է, որ սկսել եք Սերժ Սարգսյանի ելույթները կարդալ, բայց որ կարդում եք, ամբողջությամբ կարդացեք, որ մեջբերում եք, ամբողջությամբ մեջբերեք: Կազանի բանակցային գործընթացի պարագայում խոսքը գնում է երեք իրարից անբաժանելի փաստաթղթերի մասին՝ երկու երկրների միջև, Մինսկի խմբի համանախագահների միջև հայտարարություն և ՄԱԿ-ի անվտանգության խորհրդի հայտարարություն, որոնցից յուրաքանչյուրն ուներ մեկ մակարդակ և մեկ Հայաստանի համար շատ կարևոր կետերի բարձրաձայնումներ»:
Yerevan today
