Չի բացառվում, որ Ադրբեջանը խաղաղության պայմանագրի ստորագրումը փակուղի մտցնի՝ այն դարձնելով նոր ագրեսիայի առիթ. Փաշինյան

«Ադրբեջանի հետ խաղաղության պայմանագրի ստորագրումը, որքան հնարավոր է արագ, այո, մտնում է մեր պլանների մեջ։ Բայց պետք է ասեմ, որ այստեղ էլ իլյուզիաներ չունենք, որովհետև չենք բացառում, որ Ադրբեջանը կփորձի խաղաղության բանակցությունների գործընթացը հնարավորինս արագ փակուղի մտցնել՝ դա դարձնելով Հայաստանի ու Արցախի դեմ նոր ագրեսիայի, ագրեսիվ գործողությունների առիթ։ Նույն հաշվարկն ունենք նաև դելիմիտացիաների մասով»,-Ազգային ժողովում այսօր ասաց Նիկոլ Փաշինյանը։
Նա հավելեց՝ չի բացառվում, որ Ադրբեջանը կարող է այդ գործընթացն օգտագործել Հայաստանի նկատմամբ տարածքային պահանջներ ներկայացնելու համար՝ դե յուրե հայտարարելով, որ ոչ մի տարածքային պահանջ էլ չունի։