Չինաստանը հույս է հայտնել, որ պատերազմին Աֆղանստանում վերջ կդրվի
Չինաստանը հույս ունի, որ թալիբները կկատարեն Աֆղանստանում ռազմական գործողությունների եւ ահաբեկչական հարձակումների դադարեցման մասին խոստումները, ասել է ՉԺՀ ԱԳՆ պաշտոնական ներկայացուցիչ Հուա Չունյինը, գրում է «Սինհուա» լրատվական գործակալությունը:
Հուա Չունյինը նշել է, որ այդ երկրի ճակատագիրը պետք է որոշի աֆղան ժողովուրդը:
«Մենք հույս ունենք, որ հանդուրժող իսլամական կառավարություն կձեւավորվի, իսկ թալիբները կապահովեն խաղաղ բնակիչների եւ օտարերկրյա դիվանագետների անվտանգությունը: Անհրաժեշտ է վերջ տալ ահաբեկչության բոլոր դրսեւորումներին»,- հավելել է նա:
Ինչ վերաբերում է փախստականներին, Չունյինն ասել է, որ Չինաստանը կգործի միայն ՄԱԿ-ի կանոնադրության համաձայն:
Քաբուլում Չինաստանի դեսպանատունը աշխատում է սովորական ռեժիմով:
