Ոստիկանության հրազենային վիրավորում ստացած ծառայողի վիճակը գնահատվում է կայուն ծանր ՝ թույլ դրական դինամիկայով. ԱՆ
Մարտի 5-ին ադրբեջանական զինուժի դիվերսիոն խմբի հարձակման հետևանքով ՆԳՆ ոստիկանության կրծքավանդակի հրազենային վիրավորում ստացած ծառայողը, ում երեկ վիրահատել էին, շարունակում է գնտվել Արցախի Հանրապետության Առողջապահության նախարարության «Հանրապետական բժշկական կենտրոն» ՓԲԸ-ի վերակենդանացման բաժանմունքում։
Այս մասին տեղեկացնում են Արցախի Հանրապետության Առողջապահության նախարարությունից՝ հավելելով, որ այս պահի դրությամբ հիվանդի առողջական վիճակը գնահատվում է կայուն ծանր՝ թույլ դրական դինամիկայով։
