Նյու Յորքի Grand Central Station-ում բողոքի ցույց է կազմակերպվել. «Թող ապրի Գազան»
Հարյուրավոր ակտիվիստներ հավաքվել էին Նյու Յորքի Grand Central Station-ում՝ կոչ անելով դադարեցնել պատերազմը Մերձավոր Արևելքում:
Բողոքի լայնածավալ ակցիան, որը տեղի է ունեցել հոկտեմբերի 27-ի երեկոյան, կազմակերպել է «Հրեական ձայն՝ հանուն խաղաղության» շարժումը։ Ինչպես նշում է The New York Times-ը, այն Նյու Յորքի ամենախոշոր ցույցերից մեկն է Իսրայելի և ՀԱՄԱՍ-ի միջև հակամարտության սրումից հետո։
Ըստ հրապարակման՝ հավաքվածները վանկարկել են՝ «Թող ապրի Գազան» և «Անհապաղ դադարեցրեք կրակը»։ Շատերը կրում էին սև շապիկներ՝ «Հրեաները՝ հանուն հրադադարի» գրություններով։
Պարբերականը նշում է, որ բողոքի ակցիայի հետևանքով մոտ 300 մարդ է բերման ենթարկվել։
