Մեր իշխանությունը պատերազմ չի բերել. պատերազմը հետևանք է եղել։ Ամենապարզունակ և միամիտ քայլը կլինի ասել, որ էսինչը կամ էնինչը պատերազմ է բերել. պատերազմը հետևանք էր։ Այս մասին այսօր լրագրողների հետ ճեպազրույցի ժամանակ հայտարարեց ՀՀ արտգործնախարար Արարատ Միզոյանը։
«Այո՛, պատերազմը մեր օրոք է եղել, բայց անհեթեթություն է ասել, թե մենք ենք բերել պատերազմ։ Դա հետևանք է 30 պլյուս տարիներ սխալ քաղաքական մտքի շրջանակներում մնալու, չհասկանալու հետևանք է, որ պետք է այդ հարցը լուծվեր և այլ կերպ չէր կարող լուծվել և այլն»,–ասաց նա։
Դիտարկմանը, որ անգամ իշխանության ասած խաղաղությունն այսօր հնարավոր չէ, որ իրագործվի, Միրզոյանը դիմեց լրագրողին.
«Կարելի՞ է արդյոք Ձեր ասածից բխեցնել հետևյալը. քանի որ մենք տեսնում ենք, որ նույնիսկ խաղաղության ասողները խաղաղության մեջ չեն կարողանում մնալ, եկեք հենց հիմիկվանից թևերներս քշենք ու մտնենք պատերազմի մեջ։ Ինչքան հնարավոր է՝ պետք է պահել մեր խաղաղությունը»։
