Նախօրեին Մեծ Բրիտանիայի խորհրդարանի Համայնքների պալատը լսումներ է անցկացրել «Ակադեմիական ազատությունը և կոռուպցիան Ադրբեջանի էներգետիկ ոլորտում» թեմայով՝ նվիրված Ադրբեջանում քաղբանտարկյալների խնդրին, տեղեկացնում է Turan-ը։
Նշվում է, որը միջոցառումը համատեղ կազմակերպվել է Global Witness-ի և Global Magnitsky Justice Campaign-ի կողմից:
Այն վարել է Կոռուպցիայի դեմ պայքարի բոլոր կուսակցությունների խորհրդարանական խմբի ղեկավար Ջո Փաուելը:
Լսումների մասնակիցները մտահոգություն են հայտնել COP29-ը կազմակերպելու՝ Ադրբեջանի հայտի և այլախոհության դեմ շարունակվող ճնշումների առնչությամբ: Բացի դրանից՝ ադրբեջանցի հայտնի տնտեսագետ, դոկտոր Գուբադ Իբադօղլուին ազատ արձակելու կոչեր են հնչել։ Ելույթներում ընդգծվել է նաև Ադրբեջանում բռնաճնշումների աճը, ակադեմիական ազատության սահմանափակումները և գիտնականների բանտարկությունը:
Մասնակիցները քննարկել են Մեծ Բրիտանիայում ադրբեջանական ծագման ապօրինի միջոցների դեմ ավելի կոշտ գործողությունների անհրաժեշտությունը և Մագնիտսկու գլոբալ ակտի ներքո պատժամիջոցների հնարավոր կիրառումը:
