«Իմ հորը հնարավոր չէ ո՛չ վախեցնել, ո՛չ լռեցնել որևէ ռեպրեսիայով. նա սկզբունքային մարդ է»։ Այս մասին Ավան և Նոր Նորք վարչական շրջանների ընդհանուր իրավասության դատարանի բակում լրագրողների հետ զրույցում ասաց Երևանի ավագանու «Մայր Հայաստան» խմբակցության անդամ Սամվել Հակոբյանը՝ խոսելով հոր, ԱԺ նախկին պատգամավոր Ռուբեն Հակոբյանի նկատմամբ հարուցված քրեական վարույթի և դատարանում քննվող կալանքի միջնորդության մասին։
Նա նշեց, որ Ռուբեն Հակոբյանի առողջական վիճակը դատարանում վատթարացել էր, շտապօգնություն էին կանչել, այդ պատճառով նիստը որոշ ժամանակով հետաձգվել էր։
Խոսելով Ռուբեն Հակոբյանի նկատմամբ հարուցված քրեական վարույթի մասին, Սամվել Հակոբյանն ասաց.
«Հայրս քաղաքական հայտարարություն է արել։ Իրավական առումով էլ այդ հայտարարությունը որպես մեղադրանք ներկայացնելը թերի է, որովհետև նա հայտարարություն է արել անցյալի վերաբերյալ։ Նա մի շատ ճիշտ պնդում է արել, որի հետ ես համաձայն եմ. եթե կա իշխանություն, որը ոտքերը մաքրում է սեփական պետության անվտանգության և Սահմանադրության վրա, ապա պետք է ազատվել նման իշխանությունից»։
Ավելի վաղ հայտնել էինք, որ բերման է ենթարկել ԱԺ նախկին պատգամավոր Ռուբեն Հակոբյանը։
