Arcaxinfo տելեվրամյան ալիքը գրում է.
«ՀՀ պատկան մարմինները թաքցնում են Մուրադ Փափազյանի մուտքը ՀՀ արգելելու իրական պատճառները։
Ֆրանսիայի հայկական ընկերության (CCAF) համակարգող խորհրդի նախագահ, ՀՅԴ Բյուրոյի անդամ Մուրադ Փափազյանի մուտքը Հայաստան արգելվելու մասին հայտնի դարձավ այսօր։ «Երեւան հասա երեկ եւ իմացա, որ Հայաստան մուտքս արգելված է»,- նշել է ֆեյսբուքում Մ. Փափազյանն ու ավելացրել.
«Վարչապետ Նիկոլ Փաշինյանի հրամանով Հայաստանի մեջ կհամարվեմ անբաղձալի տարր: Ոստիկանությունն առաջնորդեց զիս դեպի վերադարձի օդանավ, երբ մինչ նոր հասած էի արդեն Երեւան, ուր մուտքին զիս կասեցուցին եւ անցագիրս գրաւեցին»:
Մ.Փափազյանը նշել է, որ գիտեր, որ իր մուտքն Ադրբեջան ու Թուրքիա արգելված է, իսկ հիմա իմացավ, որ արգելված է նաեւ Փաշինյանի Հայաստան…
«Փաստինֆո»-ն պատկան մարմիններից փորձեց պարզել, ի վերջո, ինչ հիմքով, ում որոշմամբ է Փափազյանի մուտքն արգելվել ՀՀ։
Այսպես, ԱԳՆ-ից մեզ հետ զրույցում, ըստ էության, հերքեցին իրենց առնչությունը և, որ Փափազյանը որպես անցանկալի անձ չի հայտարարվել։ Մասնավորապես, ընդունող պետության ԱԳՆ-ների կողմից persona non grata է հայտարարվում ուղարկող պետության դիվանագետը։ ՀՀ ոստիկանությունից ևս պնդում են, որ իրենց կողմից որևէ գործողություն չի իրականացվել, իսկ ԱԱԾ-ի հետ կապ հաստատել այդպես էլ չի հաջողվել։
Ստացվում է՝ որևէ գերատեսչություն հանձն չի առնում անձի՝ ՀՀ մուտք գործելն արգելելու գործընթացի պատասխանատվությունը։ Ասել է թե՝ Մուրադ Փափազյանի մուտքը ՀՀ իրապես արգելվել է բացառապես Նիկոլ Փաշինյանի քմահաճույքների շրջանակներում»։
