Հիմա թուրքական լրատվամիջոցները ինձ հայտարարել են թուրքերի թշնամի, թուրքաֆոբ և այլն: Ինչքան ուրախ եմ, որ թուրքերի թշնամուն թույլ չտվեցին մտնել Հայաստան. գրել է տարածաշրջանային հարցերով փորձագետ, Հայ-ռուսական համալսարանի դասախոս Կարեն Իգիթյանը, որին 5 օր առաջ «Զվարթնոց» օդանավակայանում ԱԱԾ-ն թույլ չի տվել մտնել Հայաստան։
Նա հրապարակել է թուրքական լրատվամիջոցների՝ իր մասին քննադատական հոդվածների սքրին-շոթերը և ավելացրել.
Իհարկե, ես թուրքերի թշնամի չեմ: Ընդհակառակը, թյուրքական ժողովուրդների ներկայացուցիչների հետ շփումը միշտ դրական է եղել:
Բայց ես պանթուրքիզմի՝ Ալիևի և Էրդողանի քաղաքականության հակառակորդն եմ։ Հավանաբար նույն պատճառով էլ Փաշինյանն ինձ ավելացրեց իր թշնամիների ցանկում։ Հիմա ես չեմ կարող այցելել երկու երկիր՝ Հայաստան և Ադրբեջան։
Ինչ վերաբերում է պանթուրքիզմին, ապա այս գաղափարախոսության հակառակորդների մեծ մասին հանդիպել եմ թյուրքալեզու ժողովուրդների ներկայացուցիչների շրջանում։
Մասնավորապես, Իրանի մոլի հակաթուրքիստների ճնշող մեծամասնությունը Ադրբեջանի (նույն՝ իրանական) բնիկներ են, որոնց մայրենի լեզուն թյուրքական է։ Ինչո՞ւ են նրանք դեմ պանթուրքիզմին։ Նրանք հասկանում են, որ հենց թյուրքախոս ժողովուրդներն են, որոնք, վերջին հաշվով, կկրեն ամենամեծ կորուստները, եթե պանթուրքիստական ծրագրերը կյանքի կոչվեն։ Բայց դա ուրիշ պատմություն է։ Ես պանթուրքիզմի մասին կգրեմ ավելի հարմար ժամանակ։
Կարդացեք նաև՝ Ո՞րն է արգելքի պատճառը, որովհետև պաշտպանել եմ Հայ Առաքելական Եկեղեցուն. ԱԱԾ-ն արգելել է Կարեն Իգիթյանի մուտքը Հայաստան
