Հայկական կողմի 6 կետերի մասին խոսելիս Ադրբեջանի արտգործնախարար Ջեյհուն Բայրամովը իրեն շատ ավելի կոռեկտ է պահել, քան Էդմոն Մարուքյանը։ Թշնամին պարզապես ճշմարտությունն է ասել։ Մինչդեռ հայկական դիվանագիտությունը, անգամ սեփական դիրքորոշումը ներկայացնելիս, դատարկ ու իրականության հետ կապ չունեցող մեկնաբանություններով փորձել է հերթական անգամ խաբել ու մոլորեցնել ժողովրդին։ Իհարկե, Մարուքյանը լավ աշխատեց այդ ուղղությամբ, բայց դե ճշմարտությունը ասեղ չի, որ այդքան հեշտ թաքցնես։ Այս մասին տելեգրամյան իր ալիքում գրել է քաղաքագետ Հրանտ Մելիք-Շահնազարյանը:
««Ոսկանապատ» վերլուծական կենտրոնի մեր տեղեկագրում անդրադարձել ենք Ադրբեջանի բանակցային 5 հայտնի սկզբունքներին հայկական կողմի հակազդման փորձին (այսպես կոչված 6 կետեր), ինչպես նաև Դուշանբեում մայիսի 12-ին ՀՀ, ՌԴ և ԱՀ արտաքին գործերի նախարարների հանդիպման արդյունքներին»,- գրել է նա։
