ԱԺ նախկին պատգամավոր Արման Աբովյանը ֆեյսբուքում գրել է. «Որպեսզի հասկանանք մեր շուրջը կատարվող իրադարձությունների ամբողջ ցինիզմն ու նողկանքը, բավական է պարզապես հասկանալ, թե իրականում ինչպես են մեզ վերաբերվում ամերիկացիները։
«Մենք ավարտեցինք փոքրիկ պատերազմը Հայաստանի և Ադրբեջանի միջև, և ահա նրանք նստած են կողք-կողքի՝ ինչպես ընկերներ»,- ասաց երջանիկ ժպիտով Թրամփը։
Հայերի ցեղասպանությունն Արցախում, հինգ հազար սպանված և տասնյակ հազարավոր վիրավորներ, հայերի արտաքսումը իրենց բնօրրան Արցախից, Հայաստանի տարածքների օկուպացիա, Հայաստանի մասնատումը TRIPP -ի (զանգեզուրի միջանցք) վիժվածքածին նախագծի ներքո, Հայաստանի շուրջ կուտակվող ռազմական վտանգների գեներացնում և այլն: Այս ամենը Թրամփի համար պարզապես «փոքրիկ պատերազմ» է։
Եվ այո՛, եթե ինչ-որ մեկն անկեղծորեն կարծում է, թե այսպես կոչված «խաղաղություն» է հաստատվել, և այդ խաղաղության գինը «պարտությունն է փոքրիկ պատերազմում», ապա նա կամ անմեղսունակ է, կամ պարզապես թքած ունի Հայաստանի վրա։
Հիշեք՝ նվաստացումը միշտ… միշտ… միշտ բերում է նոր պատերազմի և արյան։
Մնացածը ընդամենը նախընտրական երգեր ու պարեր են»:
Արման Աբովյան, քաղաքական վերլուծաբան
