Հայաստանն այսօր տոնում է անկախության 30 ամյակը: Օրվա առթիվ Հայաստանի և Արցախի բարձրաստիճան պաշտոնյաներն այցելել են եռաբլուր: Չնայած լրագրողների տեղաշարժը պանթեոնում արգելված էր, հերոս Զաքար Ավանեսյանի մայրը նշեց, որ իրեն ոչ ոք չի կարող արգելել լինել Եռաբլուրում։
«Ես մենակ խաղաղություն եմ ուզում։ Մեր երեխաները գնացել ու հայրենիք են պաշտպանել, ունենք լավ երիտասարդներ՝ նորից կպաշտպանեն։ Մեր երիտասարդներին ուժ ու եռանդ եմ ցանկանում, որ մեր հայրենիքը ամուր ձեռքերում պահպանեն»։
Հերոսի մայրը նշեց, որ Եռաբլուրում չի հանդիպել վարչապետին, կարծում է՝ բոլորը հայրենիքին պաշտպանեն հայրենիքը առանց ամպագորգոռ խոսքերի։ Իսկ Հանրապետության հրապարակում երեկոյան կայանալիք համերգին կողմ չէ։
«Ինչու պետք է մոտենամ Փշինյանին, ես ասելիք չունեմ։ Երեկոյան չեմ գնալու Հանրապետության հրապարակ։ Կողմ չեմ, որովհետև մեր մայրերը սգի մեջ են, մեր ջահելների տարին չի լրացել։ Շատ վշտալի է»։
Աղբյուր` Փաստինֆո
