Գլխավոր դատախազը հանդես է եկել «Հայաստան» խմբակցության պատգամավոր Արթուր Սարգսյանին պատգամավորական անձեռնմխելիությունից զրկելու և նրա նկատմամաբ քրեական հետապնդում սկսելու միջնորդությամբ։
Արթուր Սարգսյանը ԱԺ այսօրվա արտահերթ նիստում եզրափակիչ ելույթից հետո փորձեց դուրս գալ ԱԺ դահլիճից, որովհետոև դեռ մի քանի ժամ կարող է ազատության մեջ գտնվել ու մինչև կալանավորումն իր ընտանիքի հետ անցկացնել։
Այդ պահին Քպ-ական պատգամավոր Վահե Ղալումյանը, «Հայաստան» խմբակցության պատգամավոր Քրիստինե Վարդանյանի փոխանցմամբ, վազեց Արթուր Սարգսյանի հետևից՝ փորձելով մեջքից հարձակվել նրա վրա։
Պատգամավոր Քրիստինե Վարդանյանն ուղիղ տեսակապով ցուցադրել է, թե ինչ իրարանցում, քաշքշոց է եղել ԱԺ-ի դահլիճում։ Այդ կադրերը ԱԺ-ի ուղիղ եթերում չկան, եթերն անջատել են։
Քրիստինե Վարդանյանը պատմեց ու կադրերով ցույց տվեց, որ Ղալումյանի հետևից վազեցին նաև այլ պատգամավորներ։ Այդ պահին ԱԺ դահլիճ մուտք գործեցին մեծ թվով անվտանգության աշխատակիցներ։
Խառնաշոթ իրավիճակում պատգամավորները դահլիճում նկատեցին մի տղամարդու, որն ԱԺ պատգամավոր չէ։
«Ո՞վ է սա։ Անհայտ մարդ։ Ո՞վ ես դու, որ պատգամավորի հետ այդպես է խոսում»,-հարցեր հնչեցրեցին ընդդիմադիր օրեսդիրները։
Այդ ընթացքում տղամարդը դուրս վազեց ԱԺ դահլիճից։
Անհայտ տղամարդը Քպ-ական Արման Բարխուդարյանն էր, Մալաթիա-Սեբաստիա վարչական շրջանի նախկին ղեկավարը։
