Ես ՀՌՀ անդամի թեկնածուի (Արթուր Մանկուկյան խմբ․) ելույթից չկարողացա բացահայտել արդյոք համապատասխանում է հեղինակավոր մասնագետի պահանջին, թե՝ ոչ։ Այս մասին Աժ-ում իր ելույթում ասաց Հայաստան խմբակցության պատգամավոր Արամ Վարդևանյանը։
Անդրադառնալով Ռոբերտ Քոչարյանի ՀՀ քաղաքացիության վերաբերյալ շահարկումներին, Վարդևանյանը նշեց․
«2000 թվականին Վճռաբեկ դատարանը կայացրել է չափազաց կարևոր որոշում Ռոբերտ Քոչարյանի քաղաքացիության վերաբերյալ, հիմքն էլ հանդիսացել է ՀՀ անկախության հռչակագիրը, այդ որոշման հիմնական ջատագովն էլ հանդիսացել է ձեր Սասուն Խաչատրյանի հայրը՝ Մհեր Խաչատրյանը, որը լավագույն իրավաբաններից մեկն է, բնավ նույնը չեմ կարող ասել Սասուն Խաչատրյանի մասին»,-ասաց նա։
Պատգամավորը նաև անդրադարձավ ՔՊ-ական պատգամավորների՝ լրագրողների նկատմամաբ օգտագործվող բառամթերքին։
Հիշեցնենք, որ Քպ-ական Վահագն Ալեքսանյանը օգտագործել էր «նրանք լրագրողներ չեն, նրանք վերբալ մարմնավաճառներ են» արտահայտությունը:
«Խոսվեց լրագրողների մասին, ի վերջո ՀՌՀ-ն նաև ուղղակիորեն առնչություն ունենալու է այդ ոլորտի հետ: ՀՌՀ թեկնածուն զարմանալի հանգամանք նշեց, ասաց՝ լուրերին չի հետևում, ներվ չունի դրա համար, այդ դեպքում՝ ինչպե՞ս պետք է իր գործունությունն իրականացնի. ինչևէ: Բայց երբ պատգամավորն օգտագործում է այնպիսի բառամթերք ու դա փորձում է ներկայացնել լրագրողների հետ ինչ-որ կոնտեքստում, դա խայտառակություն է»,- հայտարարեց ԱԺ «Հայաստան» խմբակցության պատգամավոր Արամ Վարդևանյանը՝ հավելելով. «Ո՞նց կարող է ՀՌՀ անդամի թեկնածուն համերաշխ լինել երեկ հնչած ելույթի հետ, քննադատական ոչ մի խոսք չասել»:
