Կարծում եմ՝ երեկ երեկոյան Հայկ Մամիջանյանն ամբողջովին թեման լուսաբանել է, բացահայտել է, և ես դեռևս ձեռնպահ եմ մնում այդ թեմայով խոսելուց, լրագրողների հետ զրույցում այսօր ասաց ՀՀ երրորդ նախագահ Սերժ Սարգսյանը՝ պատասխանելով այն հարցին՝ արդյոք հաշվարկել էին, որ ԱԺ «Հայաստան» դաշինքը կշարունակի պայմանների լեզվով խոսել։
Լրագրողներից մեկի ճշգրտող հարցին՝ եթե իմպիչմենթի գործընթաց նախաձեռնելու համար անհրաժեշտ 36 ստորագրություն չկա, այդ գործընթացն ի սկզբանե դատապարտված չէ՞, Սերժ Սարգսյանը պատասխանեց՝ ոչ։
«Չէ, իհարկե չէ։ Բայց 36-ն ի՞նչ կապ ունի։ Գիտե՞ք՝ ես ինչից եմ զարմանում. որ այդ թեմայով հետաքրքվող լրագրողը ուշադիր չի հետևում տարբեր մարդկանց բացատրություններին։ Եթե, օրինակ, Դուք երեկ լսած լինեիք Հայկ Մամիջանյանին, այդ հարցը չէիք տա։ 36-ն ի՞նչ կապ ունի, մեզ 54 ստորագրություն է պետք։ Գործընթացն արդեն վաղուց սկսված է»,- ասաց նա։
Լրագրողի հարցին՝ 36 պատգամավոր արդեն ստորագրե՞լ է, Սերժ Սարգսյանը պատասխանեց.
«Լսե՛ք, ես ասում եմ գնացեք, թեման ուսումնասիրեք։ Դուք թեման չեք ուսումնասիրել, որովհետև գործընթացն սկսվում է, երբ ԱԺ մեկ պատգամավոր առաջադրում է վարչապետի թեկնածու։ Մենք ասեցինք, որ նիստերի դահլիճ բերելու ենք, երբ ունենանք 54 ստորագրություն, 36-ը կապ չունի, վատ թիվ եք ասում 36»։
ՀՀ երրորդ նախագահն անպատասխան թողեց այն հարցը, թե երբ են նախատեսում մեկնարկել փողոցային պայքարի փուլը։
Հիշեցնենք, որ երեկ տեղի են ունեցել բանակցություններ «Հայաստան» և «պատիվ ունեմ» խմբակցությունների միջև տեղի են ունեցել բանակցություններ:
«Վարչապետին անվստահություն հայտնելու գործընթացի տակ կա 6 ստորագրություն, դրանք «Պատիվ ունեմ» խմբակցության պատգամավորների ստորագրություններն են»,- ֆրանից հետո լրագրողներին ասել է «Պատիվ ունեմ» խմբակցության ղեկավար Հայկ Մամիջանյանը:
