Մենք երկու պահանջ ունենք՝ անվավեր ճանաչել ընտրության արդյունքները. այդ դեպքում ողջ Հայաստանում վերաքվեարկություն է լինելու։ Եթե ամբողջ Հայաստանում վերաքվեարկություն չեղավ, պետք է լինի մանդատների բախման նոր կարգ։ Այս մասին այսօր լրագրողների հետ զրույցում ասաց ՍԴ-ում ԲՀԿ ներկայացուցիչ, փաստաբան Արամ Օրբելյանը։
Ըստ նրա՝ մանդատների բաշխման նոր կարգով ՍԴ-ն որոշելու է, որ ԲՀԿ-ն, քանի որ հաղթահարել է 4 տոկոսի շեմը, կստանա համապատասխան քանակով մանդատներ՝ 5 մանդատ. համապատասխանաբար ՔՊ-ից կպակասի 3 մանդատ, 1 մանդատ կամ «Ուժեղ Հայաստան» դաշինքից, կամ «Հայաստան» դաշինքից։
«Այդ 5 մանդատը հնարավորություն է տալիս ԲՀԿ- ի պատգամավորներին 58 հազար 500 քաղաքացիների ձայնը, ովքեր վստահել ու տվել են քվե, լսելի դարձնել քաղաքական դաշտում»,- ասաց Օրբելյանը։
