Բրիտանական հեղինակավոր GB News լրատվամիջոցն անդրադարձել է Եվրահանձնաժողովի նախագահ Ուրսուլա ֆոն դեր Լայենին ուղղված մեր պաշտոնական նամակին:
Մեր իրավաբանական թիմի բարձրացրած առանցքային հարցն է՝ ինչո՞ւ է Եվրոպական միությունը բացահայտ կողմնակալություն դրսևորում և շարունակում անվերապահորեն սատարել Հայաստանի գործող իշխանություններին՝ աչք փակելով ժողովրդավարական նորմերի ոտնահարման, քաղաքական հալածանքների և Հայ Առաքելական Եկեղեցու դեմ իրականացվող հարձակումների վրա:
GB News-ի հոդվածի ամբողջական հայերեն թարգմանությունը` ստորև.
(բնագրի հղումը ՝ https://www.gbnews.com/…/eu-legal-action-armenia-church)
ԵՄ-ին դատական հայց է սպառնում «ժողովրդավարությունը քանդելու» համար, քանի որ ընտրական ճգնաժամը սպառնում է աշխարհի ամենահին Եկեղեցին
ԵՄ-ին դատական հայց է սպառնում «ժողովրդավարությունը քանդելու» մեղադրանքով․ անհանգստությունները հայաստանյան ճգնաժամի շուրջ խորանում են։
Եվրամիությանը դատական հայց է սպառնում՝ «ժողովրդավարությունը քանդելու» մեղադրանքով, քանի որ ԵՄ-ի հետ սերտորեն համագործակցող երկրում աճում է մտահոգությունը Եկեղեցու դեմ հարձակումների և ընտրական ճգնաժամի վերաբերյալ:
ԵՄ-ն աջակցել է Հայաստանի վարչապետ Նիկոլ Փաշինյանին՝ չնայած Հայ Առաքելական Եկեղեցու դեմ նրա կառավարության հարձակումներին, և իրավաբաններն այժմ սպառնում են դատական գործընթաց սկսել։
Եվրահանձնաժողովի նախագահ Ուրսուլա ֆոն դեր Լայենին ուղղված նամակում ընդդիմադիր առաջնորդ Սամվել Կարապետյանի շահերը պաշտպանող փաստաբանները պնդում են, որ ԵՄ-ն անվերապահ աջակցություն է ցուցաբերել պարոն Փաշինյանին՝ չնայած քաղաքական ընդդիմախոսների, կրոնական կառույցների և անկախ ձայների դեմ շարունակվող արշավին:
Նամակում մանրամասնվում են ներկայիս կառավարության օրոք իրականացված հարյուրավոր քաղաքական դրդապատճառներով ձերբակալությունները։ Նշվում է նաև, որ ԵՄ-ի շարունակական աջակցությունը՝ չնայած այս ամենի մասին տեղյակ լինելուն, մտահոգություն է առաջացրել ընդդիմադիր գործիչների, հոգևորականների և քաղաքացիական հասարակության քննադատների հանդեպ ցուցաբերվող վերաբերմունքի առնչությամբ:
Փաստաբանները պնդում են, որ Բրյուսելը չի կարողացել հավատարիմ մնալ իր իսկ իրավական ու ժողովրդավարական չափանիշներին՝ սատարելով մի ընտրության, որի արդյունքները դեռևս վիճարկվում են Սահմանադրական դատարանում, և չի կիրառում նույն խիստ վերահսկողությունը, ինչ կաներ այլ վայրերում։
Ընդդիմությունը պնդում է, որ ԵՄ-ն աչք է փակում Հայ Առաքելական Եկեղեցու դեմ ձեռնարկված գործողությունների վրա և շարունակում է Հայաստանը ներկայացնել որպես ժողովրդավարական հաջողության պատմություն:
Հայ Առաքելական Եկեղեցին աշխարհի հնագույն եկեղեցիներից է, որը հիմնադրվել է առաջին դարում՝ Թադեոս և Բարդուղիմեոս առաքյալների կողմից։
301 թվականին Հայաստանն առաջինն է աշխարհում քրիստոնեությունը հռչակել որպես պետական կրոն, և Եկեղեցին ունի խորը կրոնական ու մշակութային նշանակություն։
Սահմանադրական կարգով վիճարկումը հանդիսանում է գլխավոր ընդդիմադիր ուժի՝ «Ուժեղ Հայաստան» կուսակցության ջանքերի մի մասը՝ սպառելու ներպետական իրավական պաշտպանության բոլոր հնարավոր միջոցները։
Այնուամենայնիվ, Արամ Վարդևանյանը, ով տեղական դատարաններում ղեկավարում է պարոն Կարապետյանի իրավական գործընթացները, ընդգծել է, որ դատական վարույթներին հետամուտ լինելը չպետք է մեկնաբանվի որպես վստահություն այն կառույցների անկախության նկատմամբ, որոնք պատասխանատու են դրանց վերաբերյալ որոշումներ կայացնելու համար։
«Սահմանադրական դատարանը պետք է լինի անկախ, անվախ և պահպանի քաղաքական չեզոքություն»,— ասել է պարոն Վարդևանյանը։
Նա հավելել է. «Հիմնարար հարցն այն է, թե արդյոք այսօր Սահմանադրական դատարանը համապատասխանո՞ւմ է այդ չափանիշներին»։
Պարոն Վարդևանյանը նաև հաստատել է, որ թեև «Ուժեղ Հայաստանը» հանձնառու է ամբողջությամբ անցնել իրավական գործընթացով, այնուամենայնիվ, խորապես մտահոգված է, որ ընտրությունների բողոքարկման վերաբերյալ որոշում կայացնող կառույցները չունեն Հայաստանի Սահմանադրությամբ պահանջվող անկախությունը:
Նամակում նաև պնդում է արվում, որ ԵՄ պաշտոնյաները համագործակցել են գրեթե բացառապես Հայաստանի կառավարության հետ՝ ձախողելով բովանդակային երկխոսության պահպանումը ընդդիմադիր կուսակցությունների հետ։ Հետևաբար, նրանք ընտրել են իրենց նախընտրած քաղաքական արդյունքը դեռևս այն պահից առաջ, երբ ընտրությունները կթարգմանվեին մանրակրկիտ քննության։
Չնայած ԵՄ միջամտությանը և իշխանությունների կողմից թույլ տրված խախտումներին, պարոն Փաշինյանին չի հաջողվել մեծամասնություն ապահովել։ Նույնիսկ միջազգային լայն աջակցության պարագայում, կառավարությունը չի կարողացել ստանալ ընտրողների ձայների նույնիսկ կեսը, քանի որ ընտրողների մեծամասնությունն իր ձայնը տվել է ընդդիմությանը:
Գործում ներգրավված «Amsterdam & Partners LLP» իրավաբանական ընկերության հիմնադիր և կառավարող գործընկեր Ռոբերտ Ամստերդամն ասել է.
«Եվրոպական միությունը չի գործել որպես չեզոք դիտորդ: Այն նախընտրել է դաշնակցել մի կառավարության հետ, որն իրականացրել է համատարած ձերբակալություններ, թիրախավորել է իր քննադատներին, հարձակվել է Եկեղեցու վրա և թուլացրել է ժողովրդավարական երաշխիքները:
Բրյուսելը չի կարող պնդել, թե ժողովրդավարության պաշտպան է՝ միևնույն ժամանակ անտեսելով այս չարաշահումները և հրաժարվելով լուրջ երկխոսության մեջ մտնել ընդդիմադիր ձայների հետ: ԵՄ գործողություններն օգնել են պաշտպանել այս կառավարությանը պատասխանատվությունից:
Ռուսական միջամտությանը դիմակայելու պատրվակով տիկին ֆոն դեր Լայենը առաջնորդել է մի արշավ, որն աչքի է ընկնում միջամտությամբ, երկերեսանիությամբ և վնաս է հասցնում օրենքի գերակայությանը:
Եվրոպական միության վարքագիծն արատավորում է յուրաքանչյուր սկզբունք, որի պաշտպանությամբ հանդես է գալիս ինքը, և վտանգի տակ է դնում Հայաստանի բուն գոյությունը»:
Ռոբերտ Ամստերդամ, միջազգային իրավաբան
