Սուր թաղամասում գտնվող թանգարանը, որը ներառում է 14 գրանցված շենքեր, ինչպիսիք են նահանգապետարանը, Սուրբ Գեւորգ եկեղեցին և հին բանտը, այցելուների համար բացվել է որպես Իչքալեի թանգարանային համալիր 2006-2014 թթ․ իրականացված վերականգնողական աշխատանքներից հետո և պարունակում է գրեթե 136 հազարին մոտ արտեֆակտներ, գրում է akunq.net-ը:
Դիարբեքիրի Սուր թաղամասի Իչքալե թանգարանային համալիրում, որտեղ գտնվում են տարբեր ժամանակաշրջանների շուրջ 136 հազար արտեֆակտներ, 2024 թ․ իրականացվել է 257 պատմական նմուշի վերականգնում։ Թանգարանի փոխտնօրեն Մեհմեթ Չելեբին նշել է․ «Այս տարի Վերականգնման պահպանության տարածաշրջանային լաբորատորիայի կողմից արվել է 170 աշխատանք։
Դարձյալ մեր թանգարանում մեր երկու գործընկերների կողմից 87 գործ է վերականգնվել։ Ընդհանուր առմամբ այս տարի վերականգնվել է 257 պատմական հուշարձան»։
Սուր թաղամասում գտնվող թանգարանը, որը ներառում է 14 գրանցված շենքեր, ինչպիսիք են նահանգապետարանը, Սուրբ Գեւորգ եկեղեցին և հին բանտը, այցելուների համար բացվել է որպես Իչքալեի թանգարանային համալիր 2006-2014 թթ․ իրականացված վերականգնողական աշխատանքներից հետո և պարունակում է գրեթե 136 հազ. արտեֆակտ։
Թանգարանի այցելուները հնարավորություն ունեն տեսնել սրահներում ցուցադրվող 1615 նմուշները։ Թանգարանը, որը հիմնադրվել է 1934 թ․, վերջին տարվա ընթացքում վերականգնվել է 257 պատմական արտեֆակտ։ Թանգարանի փոխտնօրեն Մեհմեթ Չելեբին պարզաբանել է, որ տարածքում գրանցված 3 կառույցներ բաց են այցելուների համար և հավելել. «Այն տարածքը, որտեղ մենք ներկայում գտնվում ենք, հայտնի է որպես Դիարբեքիր թանգարան, Իչքալե համալիրի տարածք։ Դիարբեքիրի թանգարանը հիմնադրվել է 1934-ին։ Մենք այստեղ տեղափոխվել ենք 2014-ին։ Այն բաղկացած է 14 գրանցված շենքերից։ Դրանցից երեքը բաց են ցուցադրման և այցելության համար՝ թեմատիկ ցուցասրահը, պեղումներից ստացված հնագիտական արտեֆակտների ցուցասրահը և Աթաթուրքի թանգարանը: Միևնույն ժամանակ, համալիրի կազմում գործում է Վերականգնման և պահպանման տարածաշրջանային լաբորատորիան:
Վերականգնման և պահպանման կարիք ունեցող աշխատանքները ընտրվում և ցուցակով ուղարկվում են գլխավոր տնօրինություն։ Թույլտվությունների շրջանակներում ամբողջ տարվա ընթացքում պլանով վերականգնվում են պահպանման կարիք ունեցող նմուշները։ Այս արտեֆակտների մեծ մասը ստացվում է պեղումներից, որոնք իրականացվել են մեր տնօրինության և մեր դասախոսների գիտական խորհրդատվության ներքո՝ “Ilısu HEPP” ծրագրի շրջանակներում: Մնացած արտեֆակտները բաղկացած են քաղաքացիների կողմից մեր թանգարանին վաճառված նմուշներից»։
Նշելով, որ արտեֆակտները ստուգվել են, և անհրաժեշտության դեպքում վերականգնման գործընթացներ են իրականացվել, Չելեբին հայտնել է․ «Արտեֆակտները մեզ հասնելուց հետո կազմվում է գույքագրման արձանագրություն։ Հետագայում ստուգումներ են իրականացվում ռեստավրատորների օգնությամբ։ Այս ստուգումների արդյունքում կազմվում է վերականգնման կարիք ունեցող արտեֆակտների ցանկ։ Դրանից հետո թույլտվություններ են ստանում գլխավոր տնօրինությունից։ Թույլտվություն ստանալուց հետո մեր ռեստավրատոր ընկերների հսկողությամբ կատարվում են համապատասխանաբար մետաղի, քարի և կերամիկայի աշխատանքների վերականգնումն ու կոնսերվացումը։
Մեր թանգարանում ընդհանուր առմամբ կա 136 հազար գույքագրված արտեֆակտ։ Դրանցից 1615-ը ցուցադրված են և բաց են այցելուների համար: Մնացածը պահվում է պահեստում։ Այս տարի վերականգնվել է 170 աշխատանք։ Մեր թանգարանում մեր երկու գործընկերների կողմից 87 գործ է վերականգնվել։
Ընդհանուր առմամբ, այս տարի վերականգնվել է 257 պատմական արտեֆակտ։ Ցուցադրման համար պիտանի աշխատանքների համար ընտրվում է հանձնաժողով և թույլտվություն է ստանում գլխավոր տնօրինությունից։ Ապա դրվում է ցուցադրության»։
