Գլենդեյլի բնակիչների անվտանգությունը ոստիկանության առաջնահերթությունն է. Գլենդեյլի ոստիկանապետ

Լոս Անջելեսում ՀՀ գլխավոր հյուպատոս, դեսպան Արմեն Բայբուրդյանն աշխատանքային հանդիպում է ունեցել Գլենդեյլ քաղաքի ոստիկանապետ Կառլ Պովիլայտիսի հետ։ Գլենդեյլի ոստիկանության շենքում կայացած հանդիպման ժամանակ նրանք քննարկել են երկուստեք հետաքրքրություն ներկայացնող հարցեր։
Դեսպան Բայբուրդյանը ոստիկանապետ Պովիլայտիսին տեղեկացրել է հայ-ադրբեջանական սահմանին ադրբեջանական կողմից իրականացված շարունակական հարձակումների, ինչպես նաև ԱՄՆ-ում և ամբողջ աշխարհում հայերի նկատմամբ ադրբեջանցիների գործադրած բռնությունների և վանդալիզմի մասին։ Գլխավոր հյուպատոսը նշել է, որ հայերի դեմ բռնությունը և վանդալիզմը չեն կարող տեղ գտնել մեր կյանքում ինչպես ամենուրեք, այնպես էլ՝ Կալիֆորնիայում։ Ոստիկանապետ Պովիլայտիսը նշել է, որ Գլենդեյլի բնակիչների անվտանգությունը ապահովելը առաջնահերթություն է ոստիկանության աշխատակիցների համար։