Գերմանիան և ԵՄ-ն պատրաստ են շարունակել աջակցել Ադրբեջանին և Հայաստանին հարաբերությունների կարգավորման հարցում։
Հայտարարել է Գերմանիայի արտաքին գործերի նախարար Անալենա Բերբոքը Բաքվում Ջեյհուն Բայրամովի հետ ասուլիսի ժամանակ. Հայտնում է Ինտերֆաքս-Ադրբեջանը։
«Մեզ պետք է խաղաղություն տարածաշրջանում, դա բխում է և՛ Ադրբեջանի, և՛ Հայաստանի շահերից:
Գերմանիան և ԵՄ-ն պատրաստ են աջակցել երկու երկրներին հարաբերությունների կարգավորման հարցում», – ասել է Բերբոքը։
Գերմանիայի ԱԳ նախարարը հավելել է․ «Գերմանիան միշտ աջակցել է Ադրբեջանի տարածքային ամբողջականությանը և Ղարաբաղն Ադրբեջանի մաս է համարում»։
Աննալենա Բերբոքի ձևակերպմամբ՝ Հայաստանի հետ հարաբերությունների կարգավորման գործընթացի հետ կապված՝ Ադրբեջանի կողմից նկատելի են «շատ դրական ազդակներ»։
Հիշեցնենք, որ Աննալենա Բերբոքը նոյեմբերի 3-ին եղել է Երևանում, հանդիպել Արարատ Միրզոյանի հետ։
