Արցախցիների իրավունքների պաշտպանության խորհուրդը բողոքի ակցիա է իրականացրել ԱԳՆ-ի և Գլխավոր դատախազության դիմաց։
Արցախցիները արտգործնախարարությունից պահանջում են բանակցությունների համար նախապայման հայտարարել գերիների վերադարձի հարցը, արցախցիների իրավունքները միջազգային կոնվենցիաներով պաշտպանելու խնդիրը։
Արցախին, արցախցիների՝ իրենց հայրնեիք վերադառնալուն, գերիներին վերաբերող բոլոր հարցերը դուրս են խաղաղության համաձայնագիր կոչվող միակողմանի զիջումների փաստաթղթից։
2021 թվականին Փաշինյանի իշխանությունը Հադրութի ու Շուշիի դեօկուպացիա էր խոստանում, խոստանում էր, որ արցախցիների իրավուքնների պաշտպանությունն առաջնահերթություն է դարձնելու։ Ի՞նչ եղան այդ խոստումները, մնացին նախընտրական քարոզարշավի բուկլետներո՞ւմ։
Արցախցիներն այսօր ԱԳՆ-ի դիմաց այրել են Կառավարության 2021 թվականի ծրագիրը։
«Եթե արցախցիների խնդիրները չեք կարողանում բարձրացնել, ուրեմն հարթակ ստեղծեք, որ արցախցիներն իրենց խնդիրները բարձրաձայնեն»,-պահանջում են արցախցիները։
Մանրամասները՝ տեսանյութում.
