Արման Աբովյանը կարծում է, որ այնքան հակասող են Թուրքիայի և Ռուսաստանի հետաքրքրությունը «զանգեզուրյան միջանցքի» առնչությամբ, որ պարզապես նրանց տեսակետները համընկնելու կետեր չկան։
▪️Պատերազմից հետո առաջին խնդիրը, որը թուրքերն առաջ բերեցին «զանգեզուրյան միջանցքի» հարցն է, որը թույլ կտա Սյունիքով Թուրքիային և Ադրբեջանին միավորվել։ Սա, պարզ ասած, Հայաստանի մասնատման առաջին փուլը կլինի։
📎Sputnik Արմենիա մուլտիմեդիոն մամուլի կենտրոնում կայացած ասուլիսի ժամանակ նման կարծիք հայտնեց քաղաքական մեկնաբան, ԲՀԿ քաղխորհրդի անդամ Արման Աբովյանը։
Հիմնական մտքերը.
▪️44-օրա պատերազմից հետո տարածաշրջանը գտնվում է բավականին լուրջ տուրբուլենտության մեջ։ Սա նշանակում է, որ գերպետությունները, տարածաշրջանային երկրները սկսել են շատ արագ վերադասավորվել։
▪️Ակնհայտ է, որ Թուրքիան իր ներկայությունը կտրուկ ավելացրեց տարածաշրջանում։ Պարզ է, որ Սյունիքով ճանապարհը նրանց համար կենսական նշանակություն ունի։ Սակայն դա նաև կենսական նշանակություն ունի ՌԴ–ի համար. հարցն այն է, որ ռուսները շատ լավ հասկանում են, որ հաջորդը կարող է լինել ռուսական Հյուսիսային կովկասը, որի վրա հավակնություններ ունի Թուրքիան, ուստի ՌԴ–ն հետաքրքրված չէ «միջանցքի» ֆորմատով:
▪️Oրերս կայացած Պուտին–Էրդողան հանդիպման ժամանակ էլ ամենայն հավանականությամբ քննարկվել է այս հարցը, սակայն որևէ ընդհանուր հայտարարի չեն եկել։ Այնքան հակասող են Թուրքիայի և Ռուսաստանի հետաքրքրությունն այս պարագայում, որ պարզապես համընկնելու կետեր էլ չկան։
▪️Ադրբեջանցիների համար սկզբունքային է, որ կոմունիկացիների բացման դեպքում Սյունիքով ճանապարհը կամ լինի տրանսազգային, որը չի վերահսկվի տեղի իշխանությունների կողմից, այլ միջազգային վերահսկողուըթյան ներքո լինի։ Սա էլ ոչ մի ֆորմատով ձեռնտու չէ ՀՀ–ին, Ռուսաստանին և Իրանին։
