Politico․ Բայդենին նոր «գլխացավ» է սպառնում Ռուսաստանի պատճառով
Հնդկաստանին հինգ ռուսական С-400 համակարգ փոխանցելու գործարքի իրականացումը լուրջ փորձություն կլինի Ջո Բայդենի վարչակազմի Հնդկա-Խաղաղօվկիանոսյան ռազմավարության համար: Այս կարծիքն է հայտնել Politico ամսագրի վերլուծաբան Փոլ Մաքլիրին: Ըստ փորձագետի, այս համաձայնագիրը վաղուց անհանգստություն է առաջացնում Վաշինգտոնում, այնուամենայնիվ, նախատեսվող առաքումների նախօրեին Սպիտակ տունը ստիպված կլինի ելք փնտրել այս իրավիճակից:
Հիմնական խնդիրը «Ամերիկայի հակառակորդներին հակազդելու մասին» օրենքի մեջ է, որը նախատեսում է պատժամիջոցներ կիրառում այն երկրների դեմ, որոնք սպառազինության խոշոր գործարքներ են կնքել Ռուսաստանի հետ:
Սակայն խոսքը տարածաշրջանում ԱՄՆ-ի առանցքային դաշնակից Հնդկաստանի մասին է, և Մոսկվայի ու Նյու Դելիի գործարքներին Վաշինգտոնի արձագանքը այլ երկրներին ցույց կտա, թե ինչ կարելի է ակնկալել նման համաձայնագրեր կնքելիս, նշում է հեղինակը:
