Ուկրաինայի նախագահ Վլադիմիր Զելենսկին Չեռնիգովի մարզ կատարած աշխատանքային այցի ընթացքում հանդիպել է Եվրոպայի խորհրդի գլխավոր քարտուղար Մարիա Պեյչինովիչ-Բուրիչի հետ. Ուկրաինայի նախագահի աշխատակազմի մամուլի ծառայությանը հղում անելով՝ հայտնում է «ՌԲԿ-Ուկրաինա»-ն։
Զելենսկին և Պեյչինովիչ-Բուրիչն այցելել են Չեռնիգովի մոտ գտնվող Յագոդնոե գյուղ, որտեղ ուսումնասիրել են պատերազմի ավերածությունները։
Ի դեպ, Ուկրաինան Արժույթի միջազգային հիմնադրամից ստացել է առաջին տրանշը՝ ընդլայնված ֆինանսավորման նոր ծրագրի շրջանակում։
Գումարը կազմում է 2,7 մլրդ ԱՄՆ դոլար։
«Մենք շնորհակալություն ենք հայտնում գործընկերներին արագ օգնության համար և արդեն ակտիվորեն աշխատում ենք ծրագրի առաջին վերանայումը հաջողությամբ անցնելու և ԱՄՀ-ից հաջորդ տրանշը ստանալու համար», -ասել է Ուկրաինայի Ազգային բանկի ղեկավար Անդրեյ Պիշնին։
