Արցախի մարդու իրավունքների պաշտպան Գեղամ Ստեփանյանը հայտարարել է, որ միջազգային կառույցների ներկայությունն Արցախում կենսական նշանակություն ունի էթնիկ զտումների և ցեղասպանության կանխարգելման համար։
Այս մասին նա գրել է թվիթերի իր էջում։
«Արցախում միջազգային ներկայությունը կնպաստի հաշվետվողականության բարձրացմանը և կսահմանափակի Ադրբեջանի՝ պարբերաբար հանցավոր գործողությունների դիմելու հնարավորությունները։
ՄԱԿ-ի և այլ կառույցների ներկայությունն Արցախում կենսական նշանակություն ունի էթնիկ զտումների և ցեղասպանության կանխարգելման համար»:
