Հունվարի 11-ին ՀՀ ՏԿԵՆ ջրային կոմիտեի նախագահ Վահագն Գևորգյանը հանդիպել է GITEC-IGIP GmbH խորհրդատվական ծառայություններ իրականացնող ընկերության ներկայացուցիչ Ժան Լուի Մերլեին: Ողջունելով հյուրերին՝ Կոմիտեի նախագահը բարձր է գնահատել Կոմիտե և GITEC-IGIP GmbH համագործակցությունը: Վահագն Գևորգյանն արտահայտել է իր պատրաստակամությունը՝ սերտորեն աշխատելու ընթացիկ ծրագրի հաջող իրականացման և նոր գաղափարների կյանքի կոչման ուղղությամբ:
Իր հերթին GITEC-IGIP GmbH խորհրդատվական ծառայություններ իրականացնող ընկերության ներկայացուցիչ Ժան Լուի Մերլեն շնորհավորել է Վահագն Գևորգյանին՝ ՀՀ ՏԿԵՆ ջրային կոմիտեի նախագահ նշանակվելու կապակցությամբ և մաղթել հաջողություններ նոր պաշտոնում: Նա ներկայացրել է Համայնքային ենթակառուցվածքների ծրագիր (CIP II), Փուլ 3 ծրագրի տեխնիկական աջակցության՝ «Ջրային կոմիտեի և նրա հիմնական կառույցների աջակցության ծրագրի» շրջանակներում կատարված աշխատանքները: Նա նշել է, որ Ծրագիրը կաջակցի Ջրային կոմիտեի կարողությունների զարգացմանը` ջրային ոլորտի զարգացմանն ուղղված ծրագրերում:
Ծրագրի հիմնական նպատակներն են` պատրաստել ընթացակարգեր, վերապատրաստել ևօժանդակել Ջրային կոմիտեին` իրականացնելու և կատարելագործելու հետևյալ խնդիրները.
իրականացնել խմելու ջրի մատակարարման և ջրահեռացման ոլորտի ռազմավարության մշակման աշխատանքները,
արդյունավետ ֆինանսական կառավարմանը, բիզնես պլանի մշակմանը և դրամական միջոցներին հոսքերի պլանավորմանը,
ջրային ոլորտում արդյունավետ կառավարում իրականացնելու նպատակով ձեռնարկների, ուղեցույցների մշակմանը, օրենսդրական փաթեթների մշակմանը
բնապապհանական, սոցիալական առողջության և անվտանգության (ԲՍԱԱ) ասպեկտների ռազմավարության և օրենսդրական փաթեթների մշակմանը և այլ ուղղություններով կարողությունների զարգացմանը։
Ժան Լուի Մերլեն շնորհակալություն է հայտնել Ջրային կոմիտեի նախագահ Վահագն Գևորգյանին և Կոմիտեի թիմին՝ սերտ համագործակցության և ծրագրի իրականացման գործում ցուցաբերած համատեղ աշխատանքի համար:
Հանդիպման ավարտին Կոմիտեի նախագահն իր հերթին ողջունել է Ժան Լուի Մերլեին և իր գոհունակությունը հայտնել կատարված աշխատանքի համար՝ միաժամանակ հույս է հայտնել, որ հաջորդ ամսվա առաջին տասնօրյակում հանդիպում տեղի կունենա փորձագետների հետ` քննարկելու Ծրագրով նախատեսված հետագա անելիքները:
Աղբյուր՝ Ջրային կոմիտե
