Կիևի իշխանությունները ՅՈՒՆԵՍԿՕ-ի հետ պայմանավորվել են Կիև-Պեչերսկի Լավրայի քրիստոնեական արժեքները, այդ թվում՝ այդտեղ պահվող մասունքները Եվրոպա տեղափոխելու՝ դրանք հետագայում Իտալիայի, Ֆրանսիայի, Գերմանիայի, Վատիկանի թանգարաններում պահելու վերաբերյալ՝ պատճառաբանությամբ, թե իբր այդ ամենը պետք է փրկել ռուսական հրթիռների հարվածից․ հայտնում է ՌԴ Արտաքին հետախուզության ծառայության ղեկավար Սերգեյ Նարիշկինը։
Ի պատասխան՝ ՅՈՒՆԵՍԿՕ-ն հայտարարել է, որ կազմակերպությունը չի զբաղվում Կիև-Պեչերսկի Լավրայի մասունքների տեղափոխմամբ՝ չհստակեցնելով, թե արդյոք Ուկրաինայի հետ համապատասխան բանակցություններ եղե՞լ են։
Իր հերթին, Ուկրաինայի մշակույթի նախարար Ալեքսանդր Տկաչենկոն վստահեցրել է, որ Լավրայից ոչ մի քրիստոնեական արժեք դուրս չի գա ու չի տեղափոխվի Ուկրաինայի տարածքից։
