Հայաստանը հարաբերությունները կարգավորելու իրական քայլեր չի ձեռնարկում. սեպտեմբերի 6-ին, Խորվաթիայի արտգործնախարար Գորդան Գրլիչ-Ռադմանի հետ հանդիպման ժամանակ հայտարարել է Ադրբեջանի արտգործնախարար Ջեյհուն Բայրամովը։
Ջեյհուն Բայրամովը գործընկերոջը տեղեկացրել է հետպատերազմյան շրջանում տարածաշրջանում տիրող իրավիճակի և իրողությունների, այդ թվում՝ հայ-ադրբեջանական խաղաղ կարգավորման գործընթացի մասին։
«Չնայած Ադրբեջանի նախաձեռնություններին՝ Հայաստանը չի ցուցաբերում հարաբերությունների կարգավորման իրական քայլերի համար անհրաժեշտ քաղաքական կամք, մշտապես խուսափում է ձեռք բերված պայմանավորվածությունների ու պարտավորությունների կատարումից, դիմում քաղաքական և ռազմական սադրանքների, ամբողջությամբ դուրս չի բերում իր զինված ուժերը ադրբեջանական տարածքներից՝ դրանով իսկ կոպտորեն խախտելով իր պարտավորությունները և վտանգ ներկայացնելով տարածաշրջանի անվտանգության համար»,-խորվաթ գործընկերոջ մոտ հայերից դժգոհել է Բայրամովը։
Ադրբեջանցին ասել է, թե իբր Բերձոր-Ստեփանակերտ ճանապարհի փակվելու հետ կապված հայկական կողմի պնդումները որեւէ հիմք չունեն։
