Հարց՝ «Արթուն ենք» շարժման համահիմնադիր Նարեկ Մալյանին

Հարգելի պարոն Մալյան, ուշադրությամբ հետևում ենք «Արթուն ենք» շարժման Ն. Փաշինյանի իմպիչմենտի հետ կապված գործընթացին։

Ընդ որում, այդ գործընթացը արդեն իսկ մտել է Հայաստանի ներքաղաքական օրակարգ, հետին պլան մղելով արտահերթ խորհրդարանական ընտրությունների օրակարգը։

Մեզ համար ակնհայտ է, որ Հայաստանի համար այս օրհասական օրերին որևէ նոր ընտրված վարչապետի համար, նույնիսկ եթե տեղի կունենա վարչապետի փոփոխություն, անհնար կդառնա իրականացնել առնվազն արտաքին քաղաքական որոշումների իրականացում խորհրդարանական հիմնասյունի բացակայությամբ, քանզի խորհրդարանական հանրապետությունների համար սահմանված չէ միանձնյա գործունեության հնարավորություն, ուստի հավանական է, որ նորընտիր վարչապետը ակամա կձախողի կառավարության աշխատանքը և իր լիազորությունների իրագործումը։

Արտահերթ խորհրդարանական ընտրությունների համար նախատեսված Սահմանադրական ժամանակի սղության պայմաններում, որքանով է նպատակահարմար անտեսել արտահերթ խորհրդարանական ընտրությունների օրակարգը՝ իմպիչմենտի օրակարգը առաջնահերթ դարձնելով։

Հարգանքով`

ՀՀ պահեստազորի զինծառայողների նախաձեռնություն

03.05.2025 թ.