«Առողջապահության նախարարի հրամանը ՀՀ քաղաքացիների վրա դնում էր պարտականություն, որ նրանք իրենց գրպանից վճարեին ՊՇՌ թեստավորման համար։ Այդ մասով հրամանը ճանաչվեց հակասահմանադրական և անվավեր»,- ՍԴ որոշման մասին հայտնել է «Հայաստան» խմբակցության պատգամավոր Արամ Վարդևանյանը։
Նշենք, որ ՍԴ դիմում էր նրակայացվել, որպեսզի ԱՆ հրամանի սահմանադրական լինելը քննվեր։
«Սա մեր դիմումի անկյունաքարերից մեկն էր։ Եվ շատ ուրախ եմ, որ հենց այդ մասով Սահմանադրական դատարանը կայացրեց լիարժեք արդար որոշում։
Մենք ամենասկսբից ենք զգուշացրել Առողջապահության նախարարին, որ այդ հրամանը հակասահմանադրական է, ինչպես զգուշացնում էինք դատական մարմիններին, որ պատգամավորին կալանավորելն էլ է հակասահմանադրական։ Պետք չէր, որ նման հարցերը գային-հասնեին Բարձր դատարան։
ՀՀ աշխատող քաղաքացիներն իրենց հաշվին ՊՇՌ հետազոտություն անցնելու պարտավորություն այլևս չունեն»,- նշել է Արամ Վարդևանյանը։
ՍԴ որոշումը կհրապարակվի երեք օրվա ընթացքում։
