Փրկիչը փրկիչ է, անկախ նրանից թե մարդ է, կամ երկիր, կամ երկրների ալյանս,- ֆեյսբուքյան իր էջում գրում է քաղաքագետ Ստեփան Դանիելյանը:
«Այն մարդիկ, ովքեր ծաղրում են մարդ-Փրկչի գաղափարը, նույն ջերմեռանդությամբ փրկիչ են ման գալիս դրսերում, արդեն երկրների տեսքով։
Փրկիչը փրկիչ է, անկախ նրանից թե մարդ է, կամ երկիր, կամ երկրների ալյանս։
Եթե չենք ընդունում Փրկիչ երեւույթն, ապա պետք է հետեւողական լինենք։
Կան շահեր, կան հաշվարկներ, կան տակտիկական, կամ ստրատեգիական դաշինքներ, դա արդեն ուրիշ բան է, սակայն դա արդեն անշահախնդիր հարաբերություն չէ։
Առհասարակ պետք է հասկանալ “փրկիչ” հասկացության փիլիսոփայությունը, եթե որեւէ երկիր գալիս է քեզ փրկելու, նշանակում է կա մի 3-րդ մեկը, ումից քեզ պետք է փրկի, այսինքը պետք է լինի եռանկյուն’ մեկը գալիս է մյուսի դեմ, օգտագործելով քեզ։ Դա արդեն այլ հասկացություն է, այլ հետեւանքներով ու ամենատխուր այն է, որ եռանկյան երկու կողմերը’ փրկիչն ու ումից քեզ պետք է փրկեն, որպես կանոն գալիս են համաձայնության քո հաշվին։
Եւ ամեն անգամ, երբ հերթական մի նոր ուժ եք հրավիրում ձեզ մոտ, ձեր խնդիրները լուծելու համար, ավելի է բարդանում վիճակը’ եռանկյունը դառնում է քառանկյուն, հետո հնգանկյուն … ու այդ բոլորին պետք է բավարարեք։
Ու այդպես ամեն անգամ ձեր հաշվին մի նոր շահառու եք ձեր տուն ներս թողնում’ այլապես հերթական Փրկչի ինչ … եք դուք պետք»,- գրել է Դանիելյանը։
