«Թեքեյան» կենտրոնում երեկ կայացած ասուլիսի ընթացքում Հայաստանի Թեքեյան մշակութային միության նախագահ Ռուբեն Միրզախանյանը հայտատարեց «Վահան Թեքեյան» ամենամյա մրցանակաբաշխության 2022 թվականի ստեղծագործությունների հայտերի ընդունման մեկնարկի մասին:
Մրցույթը կանցկացվի 4 անվանակարգում` «Գրականություն», «Հայագիտություն», «Կերպարվեստ (գունանկար, քանդակ, գրաֆիկա)» եւ «Դեկորատիվ-կիրառական արվեստ»:
Յուրաքանչյուր անվանակարգում հաղթողը կստանա դրամական պարգեւ` 1500 ԱՄՆ դոլարին համարժեք դրամ եւ «Վահան Թեքեյան» մրցանակ:
Մրցույթին մասնակցել ցանկացողները՝
– www.armtmm.com կայքում պետք է սեպտեմբերի 1-ից մինչեւ հոկտեմբերի 1-ը (ներառյալ) լրացնեն մասնակցության հայտը՝ նեկայացնելով – 2022 թվականին իրենց հեղինակած աշխատանքների վերաբերյալ ճշգրիտ տեղեկատվություն:
– մինչ հայտը լրացնելը, անհրաժեշտ է ծանոթանալ մրցույթի պայմաններին,
– հայտերի լրացումը հասանելի կլինի սեպտեմբերի 1-ից,
– սխալ կամ թերի լրացված հայտերը նկատի չեն առնվի,
– հայտը կհաստատվի կամ կմերժվի` Ձեր էլեկտրոնային հասցեին հետադարձ նամակով:
Ստեղծագործությունները գնահատելու է մասնագիտական հեղինակավոր ժյուրին` նախապատվությունն առաջին հերթին տալով աշխատանքների որակին: Մրցույթին կարող են մասնակցել ինչպես Հայաստանից, այնպես էլ նրա սահմաններից դուրս գտնվողներ: Լրացուցիչ տեղեկությունների համար կարող եք դիմել Հայաստանի Թեքեյան մշակութային միության գրասենյակ ամեն օր` բացի շաբաթ եւ կիրակի օրերից` ժամը 11:00-16:00-ն (հասցե` Երեւան, Խանջյան 50, 2-րդ հարկ, հեռ.` 010 552 632, 010 520 783):
«Վահան Թեքեյան» մրցանակաբաշխությունն անցկացվում է արդեն 29-րդ անգամ՝ Հայաստանի Թեքեյան մշակութային միության եւ ԱՄՆ ու Կանադայի Թեքեյան մշակութային միության «Շաքե Թեքեյան-Ղազարյան» հիմնադրամի ֆինանսական աջակցությամբ:Մրցանակաբաշխության անցկացման տարիներին «Վահան Թեքեյան» մրցանակ է շնորհվել մշակույթի, գիտության, արվեստի երկու հարյուրից ավելի գործիչների:
