Ռուսաստանի Պլեխանովի անվան երեւանյան մասնաճյուղը հսկայական աշխատանքներ է կատարում ոչ միայն տնտեսագիտության բնագավառում բարձրագույն որակի կադրեր պատրաստելու,այլ նաեւ գիտական հետազոտությունների ուղղությամբ: Վերջերս համալսարանում հանդիսավոր պայմաններում նշվեց «Սոցիալ-տնտեսական զարգացման հիմնախնդիրները. հեռանկարների որոնում, լուծումներ» ժողովածուի 10-րդ հոբելյանական համարը:
Միջոցառմանը ներկա էին գիտական հանրության ներկայացուցիչներ, խմբագրության անդամներ, համալսարանի դասախոսներ եւ ուսանողներ: Հյուրերին ողջունեցին ժողովածուի պատասխանատու քարտուղար, Տնտեսական գիտությունների ամբիոնի վարիչ, տ.գ.թ., դոցենտ Բ. Գաբրիելյանը, ինչպես նաեւ մասնաճյուղի տնօրեն, ժողովածուի գործադիր խմբագիր, բ.գ.թ. Թ. Վարդանյանը:
«Մենք ուրախ ենք ողջունել ձեզ մեր գիտական ամսագրի հոբելյանական համարի շնորհանդեսին, որը միավորում է առաջադեմ տնտեսական գաղափարներն ու միտումները՝ առաջնորդվելով որակը, արդիականությունը եւ բովանդակությունը ավելի կարեւոր, քանակություններ են»,- նշեց Թ. Վարդանյանը:
Հանդես եկան նաեւ ժողովածուի խմբագրական խորհրդի անդամները, առաջատար գիտաշխատողներ եւ այլք: Շնորհանդեսի ավարտին խմբագրության անդամներին հանձնվեցին շնորհակալագրեր եւ հուշանվերներ՝ երկարամյա համագործակցության եւ հավաքածուի զարգացման գործում ունեցած ավանդի համար:
Հարկ է նշել,որ Ռուսաստանի տնտեսագիտական համալսարանի Երեւանի մասնաճյուղի «Սոցիալ-տնտեսական զարգացման հիմնախնդիրները. որոնումներ, հեռանկարներ, լուծումներ» գիտական ժողովածուն ընդգրկված է Հայաստանի Հանրապետության բարձրագույն ատեստավորման հանձնաժողովի, ինչպես նաեւ RSCI միջազգային գիտական-տեղեկատվական բազայում ընդգրկված գիտականհրապարակումների ցանկում:
ՍՏԵՓԱՆ ՊԱՊԻԿՅԱՆ
