Ֆրանսահայ երիտասարդ հետազոտող-լրագրող, ֆրանսիական «Conflits» քաղաքագիտական պարբերահանդեսի խմբագրակազմի անդամ, «Ֆրանս Արմենի» ամսագրի գլխավոր աշխատակից, ֆրանսերենից թարգմանաբար «Ազգ»ի էջերում լույս տեսնող իր հետաքննական հոդվածներով մեր ընթրեցողներին ծանոթ հեղինակ Տիգրան Եկավյանի «Ge՛opolitique De L՛Arme՛nie» («Հայաստանի աշխարհաքաղաքականությունը») նոր հատորը, որի առաջաբանը գրել է Հայ դատի հայտնի տեսաբան Ժերար Շալյանը : ISBN 978-2-36802-014-6 գրադարանային նշանի տակ գիրքը լույս է ընծայել Biblio Monde հրատարակչությունը: Գինըՙ 17,00 եվրո:
Առաջաբանի հեղինակը, ներկայացնելով հատորի բովանդակությունը, անդրադառնում է 44-օրյա պատերազմի կործանարար հետեւանքներինՙ ընդգծում է նոյեմբերիննյան ստորացումից հետո պարտության դասերը ուսումնասիրելու անհրաժեշտությունը: Հայաստանն այսօր ստիպված է վերլուծել այդ պարտության պատճառները եւ սովորել աշխարհաքաղաքական նման պայմաններում եւ թշնամական միջավայրում վերապրելու արվեստը, ինչպես նաեւ վերատեսության ենթարկել իր հարաբերությունները Սփյուռքի հետ, ինչը այնքան կարեւոր է նման փոքրիկ պետության համար:
