«ԴԵՄԱՐՇԱՑԻԱ»

6

Տարբեր կողմերից մեզ հասցեագրված «դրական» ազդակների ֆոնին Գորիս-Կապան մայրուղու փակվելուն եւ իրանցի վարորդների նկատմամբ ադրբեջանցի զինվորականների գործադրած անօրինական գործողությունների փաստին, իրանական կողմն արձագանքում է ոչ միայն դիվանագիտական պաշտոնագրերով, այլեւ ԻԻՀ Պահապանների Կորպուսի «Աշուրա» 31-րդ զորաբանակի Իրանի հյուսիս-արեւմտյան սահմաններումՙ Արաքս գետի երկայնքով տեղակայելու եւ նախազգուշական հայտարարություններ հրապարակելու միջոցով:

Ադրբեջանն էլ հակադարձելով իրանական կողմի դեմարշին, օգտվել է Բաքվի հակաիրանական քարոզչության գլխավոր ամբիոնիՙ Բաքվի կիսապաշտոնական տեսակետներն արտահայտող «SOUTH AZERBAIJAN DEMOCRATIC TURKIC UNITY» կայքի ծառայությունից, եւ դիմելով սեփական դեմարշի, հոխորտացել, թեՙ «Ադրբեջանի Հանրապետությունն Իրանից ակնկալում է պաշտոնապես ճանաչել Ղարաբաղի երկրորդ պատերազմի արդյունքները եւ «ազատագրված» տարածքները դիտարկել որպես Ադրբեջանի Հանրապետության անբաժանելի մաս»:

Ո՞րն է հայկական կողմի դեմարշը: