ՎԱՀԱԳՆ ԳՈՒՐԶԱԴՅԱՆԸ ՆՈԲԵԼՅԱՆ ՄՐՑԱՆԱԿԱԿՐԻ ԴԱՍԱԽՈՍՈՒԹՅԱՆ ԱՌԱՆՑՔՈՒՄ
2020 թ. ֆիզիկայի Նոբելյան մրցանակ է շնորհվել Սըր Ռոջեր Պենրոուզին (Օքսֆորդ), որը դեկտեմբերի 8-ին կարդաց Նոբելյան դասախոսությունը «Սեւ խոռոչներ, կոսմոլոգիա եւ տարածա-ժամանակային սինգուլյարություններ»:
Նոբելյան ելույթները, որոնց հետաքրքրությամբ սպասում են աշխարհի մասնագետները, մտնում են գիտության պատմության մեջ, քանի որ մրցանակակիրը ներկայացնում է տվյալ բնագավառի անցյալի եւ ապագայի իր տեսակետները:
Պենրոուզի ելույթում, որ վերաբերում էր բնագավառի մեկդարյա ընթացքին, հիշատակված փոքրաթիվ գիտնականների թվում է Կոսմոլոգիայի եւ աստղաֆիզիկայի կենտրոնի ղեկավար, պրոֆեսոր Վահագն Գուրզադյանը:
Սա առաջին հայ գիտնականի հիշատակումն է Նոբելյան ելույթներումՙ դրանց ավելի քան մեկդարյա պատմության մեջ:
Ալիխանյանի անվ. ազգային գիտական լաբորատորիայի կայքից
