Համաշխարհային հայկական կոնգրես եւ Ռուսաստանի Հայերի միություն կազմակերպությունների հիմնադիր նախագահ, հայտնի բարերար Արա Աբրահամյանը կորոնավիրուսի հետեւանքով Հայաստանում ստեղծված սոցիալական դժվարին պայմանները դույզն-ինչ թեթեւացնելու մտահոգությամբ որոշում է կայացրել օգնության ձեռք մեկնել կարիքավոր ընտանիքներին։
Առաջիկա օրերին 12.000 ընտանիքներ առաքիչների միջոցով կստանան առաջին անհրաժեշտության մթերք։ Օգնությունն առաջին հերթին կտրամադրվի այն կարիքավորներին, որոնք արդեն օգտվում էին Հայաստանի տարբեր բնակավայրերում բարերարի կողմից հաստատված անվճար խոհանոցներից։
Ավելորդ է հիշեցնել ռուսաստանաբնակ մեր հայրենակիցը ճգնաժամային բոլոր պահերին օգնության ձեռք է մեկնել հայրենաբնակ մեր ժողովրդին։
